شعر شعبي :: أبومحتــــــــــــــــاج... ضرغام العراقي

الاسم : أبومحتاج
الزمان : بعد منتصف الحلم
المكان : وطن اسمه العراق
العنوان : الحاجه ام الاختراع

أبو محتـــــــــــــــــــــاج

محتاج مثلك (عَلي) مااريدن اهل الفيل
ومحتاج تمطر علم مو تمطر ابسجيل

ومن فكرت ياشعب مستقبلك بي تعب عقلي وگلبي لعب

حرب ودماروقتل وشلون يطلع جيل؟!

محتاج واهس طفل وتگول طفل الصين
لو حل من المدرسة مايركض اعله الطين
ومن زغرة واعي وفكر واخلاق عندة ودين

ولوجاع يقرة اكتاب لويسمع الزرياب

ويسأل منوالسياب لامو منو استالين

محتاج طيبة گلب مزروعه بين الناس
وياريت كل البشر مافاقدة الاحساس
واتمنة اشوف الورد ينشم ولا ينداس

وترد سوالف امس حب ومحنة وهمس

وتطلع علينه الشمس وچف الصدگ ينباس

محتاج صاحب اخوا بس كون الي محتاج
مااريدة كلّش نبي ولااريدة هم حجاج

ولوصار مرّه ملك افرح يصير الملك

لكن يهم بالشعب لامو يهم بالتاج

ثاريني عايش حلم ومن واقعي منهزم
وضحكوا علي للعلم وطلقوا عليه اسم

سموّني ابومحتاج .. من كثر ما محتاج

ضرغام العراقي

أهلا بك شاعرنا ضرغام و بكلماتك الجميلة و جمعة مباركة
كان العراقي علم بين الناس
ما صرّف للعدو، و تآمرت عليه كل الأجناس
و للأسف ركض البعض منهم خلف وعود و كذب العدو و تآمر على العراق
يعني ركض معهم أبو عماله و أبو خيانة
و ظل أبو محتاج شريف رافع راسه بين الناس
تهون، و يرجع كل شي مثل ما كان قبل الاحتلال
تحياتي لك و لحرفك.

محتاج طيبة گلب محتاج أداري الروح
محتاج واحد وفي بس لا يصد ويروح
محتاج يمي يگف ويشيل عني النوح
محتاج اني وطن مو منة أضل مجروح

رمضان كريم
أعذر حروفي

دمت بخير
تحياتي

محتاج بسمة طفل لو شاف مرجوحه
لو مسّــه يوم التعب يغفه على روحه
مو طفل بعده وطري ويداوي بجروحه
موجه ويطخهه البحر وتتلاطم بامواج
اِيشيب راس الجبل لو طاحت سفوحه0

العراقي ضرغام
بل الحاجه في العراق
هي أم الحزن والالم والجراح
ولا ينفع فيها اي اختراع
انها الحاجه الى سيادة وطن
سيدي الراقي
دمت مبدعا 0

سطرت كل الأماني التي تراود العراقيين كي يعيشوا في وطن جميل

أتمنى أن يستطيع كل عراقي أن ينال ما يحتاجه من علم ورغبات

تحياتي ومودتي

كل يوم وكل عام وانتم بألف ألف خير وبحب وأمان وسلام وتألق متمنين ان يكـون عامنا الآتي خير من الماضي!؟.. وجعل لله ايـامـكم افـراح ان شـاء لله ودوام هـذا الـتميز و الـنجاح و الابـداع واتمـنى لـكم الـمزيد من الـعطاء لعراقنا وللأنسانية في كل العالم...مع حبي واعتزازي

اخوكم ضرغام العراقي www.dhrgamaliraqi.jeeran.com