وانا واقفة كده ع الباب وبين قلبك وبينى حجاب وحابسة دمعتى ف عينى وبتوسل إليك تنده ترجعنى لشطينى ولا تنده وتْتقطّع خيوط الشوف ما بين النظرة ف عيونك وبين عينى تسّهيـــــــــــــنى!!! وأفوق على دمعة راح تنطق بأول حرف من إسمك ولا............. تنطق والاقى خطوتك تسبق و تتبعترحروف منى على شالك خطفها الشوق وجابها لك وتبدأ تحكى عن حالك وتتأسِف وقلبك بالسَماح يِهتف ومِتلهّف ياخُدنى بشوق ضيا عينى تسامحينى؟ أسامحك !!!؟ يعنى أعيش غدرك مرار صبرك وألقا حروفى تندهلك ورعشة إيد تلِمْلِمها حـــــــروف منك حـــــــروف منها راحوا اتلموا ف منديلها ومال شوقك على ميلها ومن حُبى بتدى لها ومين ف الدنيا دى يصدق حياة من بعدى تحلا لك وهاجر طيفى من بالك ورغم الناس محاوطانى أ لاقى التوهة وخدانى واعيش الوحدة من تانى وحتى حروفى عصيانى باعتنىى خلاص تاهت منى ف وسط الناس وانا تايهة وتاه منى دفا الاحساس على شالك
على شالك
العرض الشجري