أمـــــــــــــي / الى الأستاذة الحاجة عواطف عبد اللطيف

أمــــــــــــــــــــــــي

الى / الأستاذة عواطف عبد اللطيف


عيدج مبارك يا أمي
عيدج مبارك يا أم كَلب الجبير
وكله طيب
عيدج مبارك.....
يا حضن البيه غفينا....
وصدر من عده رضعنا العافيه
وي الحليب
عيدج مبارك يا أمي....
يمه يا سدرة نبكَ نكَعد بفيها
وفوكَها تغني العصافير ...
وطيور العندليب
عيدج مبارك يا أمي ....
وانا بالغربه حزين وعايش بدونج
غريب
عيدج مبارك يا أمي ....
الغربه صلبتني ألف مره
مسيـــــــــح ............
وعلكَتني أعلى الصليب
عيدج مبارك يا أمي ....
عيوني بجاها البعد لمن عماها
موش ذيج عيوني يمه ...
عيون ذيب
عيدج مبارك يا أمي ....
يمه يا نخلة البرحي ويا خبز
تنور طين
يمه يا دمعة فراكَ ....
وصبر بدوي وطور معدان
وحزين
يمه يا ظهر أنحنى .....
وتعاون أعليه وحناه ...
الضيم والآم السنين
يمه يا طين الشواطي الغافي
يمّه بفرح ورد الياسمين
عيدج مبارك يا أمي ....
يا دلال وجنا بيه أمدللين
عيدج مبارك يا أمي ....
يا عطر هيل ومسج يا طيب
حنه
يل سهرتي ويلي ربيتي وتعبتي
بغير منه
يمه يا شارة نبي وتحت الجدم
موجوده جنه
يمــــــــــــــــــــــه... يمـــــــــه
ويا مسية العافيه أعلى عيون أمي
ويا مسية العافيه أعلى عيون
أهلنـــــــــه
أعلى عيون أهلنه

يمة يم گلب الحنين والچبير
شرد اگلچ
والله موجوعة بغربتي
ما صرت أعرف نهاري
شرد أفكر
وينة عمري وينة داري
ضاع ذاك ال چان يزهي
وبثواني!!
راح عني وما إچاني
بس تعالي
والله لأفرشلج عيوني حصير


الاستاذ أرقم
هدية من كريم
أعذر حروفي كما جاءت للأم الغالية
دمت بخير
تحياتي

يمه يا أم كَلب الجبير
اليوسع الدنيا الجبيره
والله لفرشلج عيوني وساده
حتى لو نمتي عليها
يمه أشم ريحة الشيله
وحتى أغفى أوي الظفيره
يمه يا دنياي كلها
أنت يا كل العمام وأنت يا كل
العشيره

الأستاذة الحاجة عواطف عبد اللطيف
شكرا ً لهذه المقطوعة الحنينة . ولهذا المرور الذي
يسعدني كثيرا ً لك كل تحياتي وتقديري

كريم يهدي كريمة
وماأجملها من هدية رغم ألم الفراق وعذاب الغربة بين السطور
تحياتي للأستاذ أرقم والغالية (ماما عواطف)
حماكما الله
تحياتي وتقديري لكما

أنت الأجمل والأكرم ...
أيتها ( الأمل ) الغافي في أحضان الوطن
شكرا ً لمرورك الجميل الذي أتفائل به كثيرا ً
متمنيا ً لك عودة سريعة الى الوطن أنشاءالله

يا وطن مشتاكَلك ...
والله أريد أوكَف على جسر الأيمه
حتى أسلم على الكرخ وعالرصافه
مشتاكَ أشم طيب المعظم .........
.......... وطيب الجوادين أرد أشمه
وشارع السعدون عونه المر عليه
ساعة المغرب والفرح بعيونه شافه
وألف هنياله الوصل يم الرصافي
أوكَف يمه
وباسه ألف مره أعلى كَصته وعلى
سفافه
مقطوعة قصيرة أرتجلتها سريعا ً أرجو أن تنال رضاك
تحياتي وتقديري