النقاش واللون من زمان .. زمان قوى كان بيعيش نقاش طيب – خلى بالكم النقاش دا أهم واحد فى الدنيا ، لأنه الوحيد إللى له فرشة ممكن تدى للدنيا شكل مختلف ، فإن غمسها فى لون فاتح كانت السعادة والصفا والحب ، وإن غمسها فى لون غامق رجعنا حياتنا ده – فى الأول هو كان عازل نفسه ومشاعره عن كل الدنيا ، كان بيأدى وظيفته وبس لا عمره يوم حاول يغير مكتوب ولا يفرض – فى شكل لون – رأيه على الكون .. دا يستحق اللون الأحمر يندهن أحمر ... دا يستحق الأصفر ياخد الأصفر ... دا يستحق الأزرق على طول يزرق ويرفع إيده عن الورقة – يقعد يتفرج – فتبدأ الألوان تتداخل مع بعض ... الأصفر ع الأحمر ... والأحمر ع الأزرق ... والأزرق ع الأصفر ، فيظهر البرتقالى والبنفسجى والأخضر و.... وتتملى الدنيا ألوان .. كل دا كان عادى وكان بيحصل كل يوم بل كل ساعة ويمكن كل دقيقة وكل ثانية ... لكن فجأة جه الدور عليها هى ... لقى نفسه قدمها ... اتحركت جواه أحاسيس غريبة .. مالهاش وصف .. احتار .. لأول مرة يحس إنه وحيد وغريب .. وحيد بكل معنى الكلمة ده إللى ماعرفهاش فعلا وحس بيها فعلا غيره ، وغريب –عن دنيا الألوان – مالوش لون ممكن يلبسه زى باقى الأشياء .. كمان مافيش حد يملك فرشة ولا عنده القدرة إنه يدهنه علشان يتوحد معاها فإزاى هيقدر يتحد مع أى لون علشان يخلق لونه المفضل ويشوفها فيه .. المسألة ده أثرت فيه جدا لدرجة الموت ، حرقت قلبه ، فبدأ دا ينعكس فى ألوانه وبان الأسود ... فى الأول كان نقط فظهر الببر المنقط ، وبعدين بقى خطوط فظهر الحمار الوحشى ، وبعدين غلبه حزنه لما دخلت صورتها حلمه وهو نايم فظهر الكلب الأسود والقط الأسود والنمر الأسود والحصان الأسود ولما تعب م الدهان وتغيير الألوان قسم يومه نصين ودهن نصه أسود فبقى كل ما النص الأسود يجى تندهن كل الدنيا بالسواد حتى المشاعر والعيون ... الغريبة والعجيبة إللى حصلت إن ليله – إللى كان يساوى نص يوم \ نص عمر – بقى بمرور الأيام أطول من نهاره – إللى بدأ يضيع لونه الحقيقى ويتحول للأصفر – رغم إنه قسمه قدامى نصّين بالظبط .. فازاى حصلت المسألة ده عمره ما قدر يفهم ولا يلاقى لها تفسير .
ازايك يا ماهر منور المنتدى وأهلا بيك
القصة ده كتبتها باللهجة المصرية الدارجة ..
وهنا المنتدى أدبي ، نتمنى منك الكتابة باللغة الفصحى ..
الحقيقة لقيت جواك حاجات كتير حلوة ...
وهنا ملحوظة : لقى نفسه قدمها === قدامها
فبدأ دا ينعكس== ده
أهلا بك بيننا ..ننتظرك في عمل قادم
اولا : اهلا دويكات .. عامل ايه اخبارك ... دا نورك ونور اهل المنتدى ..
ثانيا : واضح قوى ان لك باع طويل فى اللهجة العامية والدليل على كدا ملاحظتك هههههههههههههههههه ، وفى الحقيقة انا ببقى سعيد لما نحاول نظبط على قد ما نقدر طريقة الكتابة بالعامية لتتوافق مع طريقة النطق وبعتبر ان المساعدات المقدمة فى هذا الجانب شئ جيد جدا ومفيد .. بالنسبة للكلمة الاولى يمكن التعامل مع الكلمة كما كتبتها .. لكن فى الملاحظة الثانية .. انا هنا افضل ان اوحد "ما يمكن ان نطلق عليه اسم الاشارة فى العامية المصرية " فنقول على المذكر " دا " وعلى المؤنث "ده " لانها هى فى الحقيقة عبارة عن هذا وهذه بعد استعمالهما فى الحياة اليومية ..
ثالثا : انت بتقولى كتبت " قصة " بالعامية وتعرفنى باننا فى منتدى " ادبى " .. طب اقول ايه انا .. مش برضه مفترض انه بما انه منتدى ادبى يتنشر فيه القصص ، انا اعرف انه منتدى ادبى وانا اشتركت فيه لانى بكتب قصص ...
رابعا : هل ما قيل هنا هو رأى من الادارة يبلغ لى بعدم نشر نصوص عامية .. ام هو رأى فردى ..
تحياتى
واضح يا دويكات ان التحذير اللى فى ردك هو رأى شخصى لك وليس بيان رسمى صادر عن الادارة لانه لم يصدر تأكيد او اجابة على سؤالى حتى اليوم وعلى كدا نحن نقدر رايك ونحترمه ونستمر فى خطتنا للنشر كما نفضل ان تكون .. تقبل تحياتى ومودتى
ألعزيز ماهر طلبة .. تحية واحترام
ألأدب الشعبي لون كتابي جميل ومرغوب من قبل الكثيرين
وأنا أحدهم
وقصتك هذه جميلة جداً , وثيمتها قابلة للتأويل وتعدد القراءات.
ولو كتبت باللغة الفصحى لأخذت مساحتها من الإنتشار
وما ذهب إليه الأستاذ دويكات - حسب اعتقادي - يصب في نفس المعنى
لك مني وافر التقدير.
ألعزيز ماهر طلبة .. تحية واحترام
ألأدب الشعبي لون كتابي جميل ومرغوب من قبل الكثيرين
وأنا أحدهم
وقصتك هذه جميلة جداً , وثيمتها قابلة للتأويل وتعدد القراءات.
ولو كتبت باللغة الفصحى لأخذت مساحتها من الإنتشار
وما ذهب إليه الأستاذ دويكات - حسب اعتقادي - يصب في نفس المعنى
لك مني وافر التقدير.
صديقنا العزيز عمر مصلح .. اشكرك جدا على الرد .. واشكرك جدا على كلماتك الجميلة فى حق النص .. كما اقدر تماما فكرة الخلاف حول العامية والفصحى وما يحدث من مشاكل نتيجة الاستخدام .. لكن انا اكتب هذا الشكل من الحكايات باللهجة العامية .. واترك للقارئ حرية النقد التام واتفهم تماما كل ما يقال عن هذا .. اشكرك مرة ثانية .. واتمنى ان تستمر متابعتك لاعمالنا القادمة
الأستاذ ماهر طلبة
أسعد الله أوقاتك
أرى إن اختلاف الرأي لا يفسد لمبدع قضية
فأنت بالتالي صاحب القرار خاصة وإنك تكتب بالفصحى أيضا
بالنسبة لي أعجبني أسلوبك في كتابة الحكاية بلغة محلية
نفتقدك أستاذ ماهر ونفتقد حروفك
كن بخير
تحياتي وتقديري
الأستاذ ماهر طلبة
أسعد الله أوقاتك
أرى إن اختلاف الرأي لا يفسد لمبدع قضية
فأنت بالتالي صاحب القرار خاصة وإنك تكتب بالفصحى أيضا
بالنسبة لي أعجبني أسلوبك في كتابة الحكاية بلغة محلية
نفتقدك أستاذ ماهر ونفتقد حروفك
كن بخير
تحياتي وتقديري
استاذة سولاف الصديقة العزيزة .. اشكرك جدا على مشاعرك الطيبة، فى الحقيقة انا باعتبر الخلاف حول النص الادبى شئ طبيعى ومحبب لأن الاختلاف معناه تعدد الرؤى ووجهات النظر والقراءة وهو دور القارئ لذلك لا مشكلة ابدا فى ان نختلف وبالتأكيد لن يفسد للود قضية .. انا ايضا افتقد المنتدى و نشاطه .. اشكرك مرة اخرى
خالص تقديرى
النقاش واللون - قصة قصيرة
العرض العادي
المواضيع المتشابهه
