يا مطر

يا مطر
\
يا مطر
من چنت لما تجينه
هذا يضحك
هذا يركض
هذا يختِل
هذا يصرخ من هناك
ها....لگيتة
والفرح مالي عينيه
تغسل النخلة وسعفها
وللورود تبوس خدها
ومن التراب نحني أيدينه
ياوطن يا بعد عمري
لا تكلي ما وفينه
أشلون أعوفك
والله آني ما أريد
وأنت نوري الهاي عيني
من أشوفك ترد روحي
وأنسى نزفي وكل جروحي
يازمان الراح شبسرعة أركضت
والله مثله وبحلاته ما شفت
راح صوتي
تمرمرت
وهذا شوگي ما عرف حتى السكوت
من يغافلني يزيد
أوف أمي!!!!!!
دمعتج هدتلي حيلي من تنشديهم علينه
شما كبرنا نبقى ذولاك الزغار
يا شواطي الروح يابحر الحنان
شنهو صار
وين أبوية من يجي نلزم سرة
ناخذ المسواك منه
والفرح مالي وجهنة
كلشي چان!!!
من نشوفه يزول همنه والمرار
وين أخووتي
جنت أعلمهم قراءة
جنت أدرسهم حساب
هاي جَنَه وهاي حَنَه وهاي عَنَه منو إلي يضفر شعرهم *
منو اللي يمشي بفرحهم
ولسمية وي عروبة منو إلـ ينطيهم كتاب*
أبقى أسأل
وأنتظر منهم جواب
ياحبيبي شنهو صار ,,غادرتني
وينة صوتك ما يردْ
وتركتني !!!!!وحدي أركض
لا الزمان إلي أعرفه
ولا المكان
حتى ليلي صار كله بس سهر
ألمن أحجي
بعد ميفيد الحجي
ما بقى
بس القهر
بس السؤال
ضاع من عدنه الأمان
أنت تدري
هجرونه
بهذلونه
والحرامية كثار
وليلي كله بس ونين
والگلب دومه حزين
جنة نفرح
والفرح لمن زعل غادر بعيد
صار يبچي
شوكت نرجع من جديد
غيروا كل السچچ
حتى ليفوت القطار
يمته هالباطل يزول
وينتهي كل الغدر
وينتهي كل الظلام
ونعود!!!
يالطيفة وياكواكب*
للديار
يامطر
يادمع عيني
يالله نرسم من نقاطك
وية كصبات الصرايف
وريش الحمام
ضحكة حلوة علـ الشفايف
بيرغ وشمعه وعرس
على ترابه من ننام

\
عواطف عبداللطيف
18\4\2012
*أشارة الى اسماء أخواتي

هل كان في بغدا غير النجمات وعينيك
بغداد: نهران تجمعان الشهد وتبلل
عطش المارين بالحقول
الغالية عواطف"جميلة في كل حالاتك الكتابية
محبتي

اقتباس: المشاركة الأصلية كتبت بواسطة فريد مسالمه     هل كان في بغدا غير النجمات وعينيك بغداد: نهران تجمعان الشهد وتبلل عطش المارين بالحقول الغالية عواطف"جميلة في كل حالاتك الكتابية محبتي

الأجمل حروفك التي أنارت متصفحي

كن بخير
ومن بنت بغاداد
التحية

مطر المكان ونبعه الفياض عواطف الخير
برغم عدم فهمي لبعض المفردات الا ان النص كان عابقا برائحة الارض بعد المطر
وتخيلت السياب وانشودة المطر
وعرفت من جديد كم المطر ما زال بعيدا
ولكن لا ياس مع المطر
سيعشب العراق بالمطر
هكذا قال السياب
والسياب لا يكذب

دمت بخير وسلام

قرأتها صباح الأربعاء وبكيت .. قلت في نفسي ليتني لم اقرأها

كتبت رد ألومك فيه .. اقول هل يرضيك بكائي قبل سفري .. حذفته وسافرت الى سامراء

الآن وفي السحر وقبل فجر الجمعة عدت هنا لأبكي من جديد

سامحك الله

.......................

ماذا أقول؟؟ ...
..

اقتباس: المشاركة الأصلية كتبت بواسطة جميل داري     مطر المكان ونبعه الفياض عواطف الخير برغم عدم فهمي لبعض المفردات الا ان النص كان عابقا برائحة الارض بعد المطر وتخيلت السياب وانشودة المطر وعرفت من جديد كم المطر ما زال بعيدا ولكن لا ياس مع المطر سيعشب العراق بالمطر هكذا قال السياب والسياب لا يكذب دمت بخير وسلام

شاعرنا الجميل
شرفني مرورك
وأنا بالخدمة في إيضاح معنى أي كلمة باللهجة العراقية غير مفهومة بالنص
سأردد ياااارب
دمت بخير
تحياتي

اقتباس: المشاركة الأصلية كتبت بواسطة شاكر السلمان     قرأتها صباح الأربعاء وبكيت .. قلت في نفسي ليتني لم اقرأها كتبت رد ألومك فيه .. اقول هل يرضيك بكائي قبل سفري .. حذفته وسافرت الى سامراء الآن وفي السحر وقبل فجر الجمعة عدت هنا لأبكي من جديد سامحك الله

ابعد الله عنك الدموع
ولكنها خرجت هكذا لتعطي صورة عن رحلة عُمر
جعل الله ايامك هانئة
جمعة مبارمة
دمت بخير
تحياتي

اقتباس: المشاركة الأصلية كتبت بواسطة كوكب البدري     ....................... ماذا أقول؟؟ ... ..

لكِ الراحة والهناء ابنتي
وصلني ما تريدين قوله
دنت بخير
محبتي